احنا ناس بتكتب لنفسهاوبتعيش مع صحابها واهلها مش لفولورز ومحدش بيعرف يسكت حد دلوقت خلال الاكونت ده هشرحلكم ازاى تاخدو حقوقكم بالقانون متأكده ان التويتات الى جايه هتبقى ممتعه وفى نفس الوقت هتتعلموا منها الى اتعلمته انا فى سنتين انتهوا ان راجل ركبه بتخبط فى بعضه من تويتين ليا

هبدء بالتعجب ان نموذج مشرف لموظف عام زى ده مش واخد حقه هنا ع تويتر شاب شريف وطاهر وعفيف وبسيط وصوته هادى لبق ومتدين ف2015 رفض رشوه مليون جنيه وصعب جدا على المذيع الى سأله فى الدقيقه 13:20 مرتبك كام ؟ رد :”بما يكفينى ومن يتق الله يجعل له مخرجا ”

ماشاء الله والله الواحد بيفرح لما الى بيتقوا ربنا يرزقهم من حيث لا يحتسبوا الله يحفظه راجل عصامى ابوه توفى من زمن فى 2015 يصعب على المذيع وفى سنه صوره فى الجرايد وعلى صفحاته العامه كلها عربيات BMW وبتعلى نموذج مشرف يعلم شبابنا انه لا ييأس حتى لو بيشتغل فى حكومه

عاده مبحبش الموظفين لانهم بياخدوا مرتبهم من ضرايبى ومعطلين البلد لكن ده ؟يا ماشاء الله قدر يوقع محامى دول مش سهلين ,لو سالو على حد خاصه انه موظف بقاله سنتين فى الحى ولقوه ميجيش منه كان دور على غيره لكن عرف يوقعه وعرف يقنعه بعكس حقيقته سنتين.برافو الريس عنده حق يزكيهم

بما انى عرفته كويس وشفت قد ايه صادق وشريف لما لقيت اكونتات على تويتر بتحاول تنال من نزاهته ونزلو فيديوهين فيهم مقاطع صوت الطرف التانى فيها بنات منهم انا قدمت بنفسى المحادثات دى لما وصلتنى للمعنيين ب ده لان متاكده انه لما قالى انه عنده ارض وبيبنيها ويبعها انها اكيد فلوس حلال

كان واجبى لانى مواطنه شريفه ولازم اتقدم بما املك من معلومات مادامت طرف حتى لو انكرمرارا ان مقاطع الصوت دى حقيقيه وكان بيقدم الفيديوهات للنيابه على انها صور وعبارات وبس زى ماورد فى اقواله الرسميه نصا الا ان ده مش هيزعزع ايمانى بنزاهته ده بطل ولازم ينضف ساحته بالمواجهه ولا ايه؟

ايوه فيه مقاطع صوت من الى وردت فى الفيديوهات المقرفه الى اتعرض لها الشريف العفيف الطاهر البطل والشمس المضيئه فى غيابات وظلمات العمل المحلى , كان طرفها التانى انا فى الفيديو التانى تحديدا والفيديو الاول كان كذا بنت, اربأ بنفسى طبعا عن المقاطع ال +18 ودلوقت كل ده حرز فى قضيه

موضوع رفض الرشوه المليون جنيه دى وفى بعض الجرايد بيكتبوها ربع مليون بس , ايا كانت القصه يعنى موقفتش عند تاريخ 2015 , انا بقالى سنتين بسمع عنها اتذكر اول مره عرفت ,فرحت جدا ,كان اول مره يفاتحنى برغبته فى الارتباط بيا وبمنتهى التواضع قالى ,متقوليش لحد انى البطل ده ,الله الله الله

ليبدء من يوم 8 نوفمبر 2016 مشوارى مع البطل المغوار الى بكل ادب واصول زارنى فى بيتى واتقدم لاهلى رسمى بتاريخ 14 نوفمبر 2016 معكرش صفو القعده الجميله دى غير غياب امه المرحومه الغاليه واخواته الاتنين لانهم متجوزات ومعرفوش يكونو معانا بس تتعوض وناخد فرصه نتعرف ع بعض

قالى وقتها انه 38 سنه ,كبير بس يعنى مقبوله ولما عرفت انه مكنش بيتجوز الا لما يطمن ان اخواته البنات اتجوزوا , طرت من الفرحه , وفضلت اسمع غنوة , هو ده الى حلمت بيه لعمرو دياب وغنوه TOO GOOD TO BE TRUE كان جايلى بعد تجربه صعبه و كنت حساه العوض افتكر ماما حضنته وعيطت من فرحتها بيه

حكالى ان مامته صيدلانيه زيى وبتراعى المرضى وقد ايه من بعد وفاتها تعب وانحرم من الحنيه والعطف وحكالى قدايه اخواته بيحبوه وبيحاولو يطبخوله بس مبيعرفوش وان ياعينى عليه بترعاه داده بس هو الى بيرعاها لانها غاليه عنده ومبيتعبهاش حكالى عن كلبه هيكتور و انه ونيس وحدته وكل اكله دليفرى

فضفضلى بزيارته للندن كان مبيخبيش اى حاجه حتى لو تقلل منه قصادى كان بيتكلم كتير عن اهميه الصراحه والوضوح وان الى شده ليا تربيتى وانه كان بيخاف يكلمنى لانى دايما شديده وبتخانق عشان البلد ودكتوره وتنكه وفكرنى انه كان بيبعتلى كتير وبيشتبك معايا انا وندا صحبتى من 2012 تقريبا

طبعا كان عارف مامتى واهلى من قبلها ,مين ميعرفش امى ,اشهر ست لبست علم مصر فى الاستفتاءات والانتخابات , الست الى المصريين بيحطوا صورتها افاتار ليهم والجيش بيستخدم صورها فى جدارياته وافلامه الست الى عربيتها اتحرقت من الاخوان فكرنى بقد ايه كان مبيسبش فرصه حتى وبتكلم مع صحبتى ويتكلم

زى ما قال كده , عشره 6 سنين على تويتر ,عارفنى وعارف امى وعارف انا ايه وبشتغل ايه وميوله والى بحبه والى بكرهه والى بستقتل فى الدفاع عنه .عرف اخلاقى كويس ,حتى الجمل الى بستخدمها ,عرفها وحافظها صم ,, عشره وان متقابلناش , ,, عشره متهونش الا على ولاد الحرام زى ما بيتقال ,,

صلينا استخاره واستعنا على قضاء حوائجنا بالكتمان ,مكنش حد يعرف هنا غير ندا واحمد محى عشان كان بيسالى عليه ورجع بحدوته رفض الرشوه دى ورغم ان فتره التعارف طالت بدون ما يبقى فيه مجهود يعرفنى طباعه لكن كان فيه طول الوقت استماته فى اعلان رغبته ابقى زوجته وغرقنى كلام حلو..كنت بصدقه

هوريكم الجنه عالارض . نسمى الولاد ايه؟ بيحب الاسامى العربيه عمر وعلى ابتدينا نسمى اسم ابن هيكتور الكلب بتاعه القطط بتاعتى راحو يتجوزو وحشونى وزعلت ,كلمنى يقولى متزعليش انا هخليكى تربى تنين مجنح وديناصور لو عايزه كان عيد حب لطيف جدا ,جبتله هديه وسافرت والخطوبه رسمى لما ارجع

كان غيار جدااا كان متقدملى زميل فى شغلى فى نفس الوقت ,لما عرف كانت شغلانه كان بيشجعنى فى شغلى وكان مع حقوق المرأه جداا دخلى صح , انا دماغى كده , كنت بقول لندا ,انى بخاف منه لانه مفيهوش غلطه غير غلطه واحده بس وصلتنى انى كنت بقوله لو مش مرتاح خلاص وكنت هفركش 3مرات

طول الوقت عايزنى “احس باحاسيسه ” وسط كل الى كنت بعيشه معاه من حب ورعايه وغيره واهتمام ومن خلال اهلى وبالاصول وكلامه الكتير عن ربنا والاخلاق كنت بقرا ده بحسن نيه ,قبلت اعتذاره كتير ودى كانت غلطتى افتكر انى سألت احمد اخويا عن رايه ,قالى لو زعل منك النهارده هيحترمك ويثق فيكى بكره

والله العظيم كنت قربت انجم عشان افهم ليه فيه حاجه مش فاهماها ازاى الحاجه وضدها طول الوقت بعترف انى كنت منهكه حالتى الصحيه كمان كانت متستحملش التوتر ده وعييت فعلا وحكيتله فخاف عليا ووفى عز تعبى كان يقولى اكشف واعمل دكتور كنت ابتديت ارد عليه بود لكن ببرود يمكن يهدى معايا اسلوبه

وفعلا يوم 15 مارس 2017,كان يوم اربع رحنا نكشف عند د عادل امام ,الى قالى انه صديق لوالده ,مرضيتش اقوله انى اعرفه كويس ,سيبته يقوم بمهامه كخطيب ويتحمل مسئوليتى ويحس انه مهم وكده سبقنى على هناك بعربيه الشغل بتاعته وعالباب شاف ان كل مساعدين د عادل بيخدونى بالحضن ومخضوضين عليا انى عيانه

لقيته حاجزلى ودافع فلوس الكشف ومسمينى على اسم عيلته ,انا مفيش فى عيلتى حسن ولا حسين ,حاولت اشرحله ان شركتى مغطيانى رفض , موقف رجولى وكده دخلنا ل د عادل ولانه من اهم دكاتره عندى وكشخص بحبه جدا وبيعاملنى بمحبه امر ا هانى ومدام زينب انهم يردوله الكشف وروشتى اتكتب اسمى صح مش فالحجز

سأله د عادل انت تبقالها ايه ؟ د عادل لاحظ انه بيسال عن ادويتى وهوقف الكونكور امتى وان محتاجه كى فى القلب فعلا ولا ايه وقبل ما يرد كان قاله ان الى عندها نفسى وعوضها عن الى حصلها قبلك فوعده انه هياخد باله منى ,, وقاله ان بيتى فى جزيره العرب عنده زباله ,مش دى دايرتك ؟ نضفها بقى ,خرجنا وورانا مساعدين د عادل

ا هانى مسكه من كتفه وقاله خلى بالك من الدكتوره ,يا زين ما اخترت ,احنا نعرفها من زمان ا هانى راجل ابن بلد و حكالى ان قبل ما اجى قاله مش هوصيك دى خطيبتى وهتبقى مراتى مش بقولكم كنت فى الجنه ؟ يومين وكان عيد ميلاده بقى خطيبى وممرمطاه معايا فى تعبى وكلها اسبوع ونلبس دبل وننقى شبكه وهووب

اكاونت اتعمل بعد التويته ورد الباشا عليا فيها بساعه باسم سامى يوسف ,عرفت بعدين انه لواحده ابوها اسمه يوسف ,, واضح انها من التوتر مفكرتش فى اسم اذكى من كده لكن كتر خيرها التويتات زى ما هتشوفو ,فيها فزع مش طبيعى واصرار والجمل وتراكيبها تقلق اى حد حسيتها فعلا خايفه عليا

استدرجتنى اكلمها على حسابها الاصلى وفى النص راحت قايله “انتى الى جايه تكلمينى ” انا ضحكت من المنطق الطفولى بس لانها عارفه وانا عارفه انها صاحبه الاكونت بتاع سامى بس الى لغايه النهارده مش فاهماه جمله “اساليه ومش هينكر ” ليه فى احتماليه انه ينكر ؟ ليه قابله على نفسك ده ؟ عجايب

ايه يخلينى اغير على راجلى وارتباطى بيه رسمى فاعمل اكونت مزيف لراجل واحذر الى بيكلمها ؟ ما اشتمها على طول ..بلاش شتيمه ,ما امنشن جوزى ده بقلب انزل صوره اقوله يخليك ليا يا سبعى ,اى حاجه من دى ليه مش عايزه حتى تشوف دليل الاى كلام الى بتدعى انها مش مصدقاه ورفضت كلامى انها تلبسه دبله زى اى راجل مرتبط عشان تحميه من الوحوش المفترسه امثالى الى شايفين البيه آخر قطعه . ملحوظه :كنت بروحله شغله وبيعاملونى كخطيبته! وهى مصممه انهم عملوله حفله , حضرتك دى محليات مش نادى الليونز ومعرفش بيها ريس الحى بتاعه نفسه الا بعد المحادثه دى ب 4 شهور ولظروف قهريه اجبرته يقول انا راجل متجوز يا جماعه هههه ,,ماعلينا ,ربنا يعين

فى خضم مناقشاتى مع الاخت دايما دموع البطل المغوار اتصل وبطريقه غريبه ,اتحولت من واحده عايزه تعرف مين دى بالنسبالك وامتى الكلام ده وقبل ولا بعدى قالى انتى بتكلمى راجل DM ? والله العظيم كل ما افتكر انى اتلهيت ادافع عن نفسى واعتذرله انى بوظت يوم عيد ميلاده الطش نفسى قلم

ونصاقال :واحده كان يعرفها مش اكتر ,سالته انت فعلا متجوز ؟قال لا طبعا وان كل ده لعبه ضده وناس مستقصدينه وفضلا يا ملك مترديش على حد ولا تكلمى حد وقفل اكونته 🙂 تانى يوم الصبح قالى انها كانت جايباله شغل واهلها عايزين يجوزوهاله وانه هيفهمنى كل حاجه وشكرنى على تفهمى وطلب ادعيله

هو اصلا كان الفتره دى عمال يقول ان عنده مشاكل وتليفونه متراقب وهيقولى ليه بعدين ,لدرجه ان من سذاجتى وطيبه امى عديت عليه ميه زمزم مقرى عليها البقره وآيه الكرسى فى الحرم عشان تفك كربه ,كنت متعوده لو مشغول ابعتله رسايل ,كان ده اتفاقنا انا متأكده انه مشربش الميه دى ههه طب رجعها

فاكره ندا وقتها قالتلى هتعملى ايه يا ملك ؟ بأمانه ؟ انا مكنتش قادره اصدق اول مره ادخل فى حاله ذهول يكلمنى ينيمنى واوافقه واقوله اه طبعا ودماغى وقلبى مش مصدقينه لاول مره وقتها افتكرت منام امى شافته وكانت بتقولى الولد ده مش صح ليكى وكنت بكدبها واقولها لا طبعا ده ملاك…اوعوا متصدقوش امهاتكم , بندم كل يوم على عملتى دى

طب نسأل .. ولقيت الاجابات دى عمره مش 38 سنه لانه مواليد 75 اخواته الاتنين مفيش واحده فيهم قدى زى ما قالى ,كلهم اكبر والاتنين مش متجوزين مش كده وبس ,,دول عايشين معاه فى نفس البيت الى المفروض بيت الزوجيه ..لما قلتله لقيت صوره لاختك على بروفايلك بليل اكونته قفله وقالى ان عشان يحميه من حد عايز يسرقه وبعدين عرفت انه بلكنى مش اكتر وانا زى الهبله صدقته ,,اما مامته الى كان مخلينى بحبها جدا لحبه لها لدرجه كنت بهاديه بالتصدق على روحها طلع اسمها مش فى سجلات الصيادله وافتكرت انه اتهرب من سؤال وانا فى النقابه

وطبعا مش عايش مع داده,دى الست ام محمد بتساعدهم كل اسبوعين زى اى حد

دخان كتير وتويتات من قبلى بتتكلم عن حاجات مقدرش اثبتها الا لما اورط ناس معايا فمش هقولها ……. اقولكم على النكته ؟ مكنتش انا ومدام دايما دموع بس ده انا كان خاطبنى انا و الاخت دايما دموع على خطيبه اولى قبلنا فى نفس الوقت… تلاته هههه

عهد الخطيبه الاولى ( يونيه 2015 الى 8 يناير 2017) عهد الاخت دايما دموع (اغسطس 2016 ل دلوقت ) عهد جنابى (8 نوفمبر 2016 ل 20 مارس 2017) ده طبعا العهود المؤرخه مش الفرايحى ,,الفرايحى عند النيابه بقى 14 يوم مكالمات ويركن قصاد عربيتى اقفل وامشى حل عن سمايا ! اترفضت ,مفيش فايده

لما كل المعلومات دى تبقى غلط يبقى الغرض منى مكنش جواز كان حاجه تانيه … عيب اقولها , لو حطيتها مع ” مبحسش بأحاسيسه “,دى تهمه جنائيه مش جنحه حتى فيها 3 سنين سجن ومعايا ادلتها ولو كان الى بيعمله ده عشان اخترنى انا , ف ده وضع مقبلوش مش انا الى اخد واحد من خطيبته

فاكره ندا سالتنى هعمل ايه:قلتلها انا مستاهلش كده

من 20 مارس ل 3 ابريل 2017 .. قرف وزن ولانى ابتديت اكلم صحابى,,قلق ,,دخلنا بقى فى مرحله التهديد ,, اى بنت هتقولها هروشك ودى لعبتى وهتبوسى الجزمه ومش هتخلصى من المحاضر هتخاف ,, ده بالضبط الى حصل لاحظوا التاريخ وانه كان عارف اسمى وورقه “شغلك ” دى ,,بشتغل يعنى وعارف فين وعارف ان ده يوجعنى فقاله ,, 3 ابريل بيقول بكره ,, ركزوا

رجعت لاحمد اخويا الى كان شايط وقالى اقفلى الزفت تويتر ده وبطلى تتكلمى عن خصوصياتك علنى كده اهو دخلك من مدخلك ففعلا قولتله طب حاضر هخلى واحد شخصى لصحابى وواحد للسياسه صمم ,قفلت الاصلى شويه عشان يهدى طبعا شاف التهديد قالى بكره تعمليه محضر بكل حاجه ويعرف متستنيش لما يستدعوه يكون اتهور عليكى ,حبال الاقسام طويله … ملحوظه:احمد مش فمصر

ف يوم 4 ابريل 2017 فعلا رحت القسم وعملت محضر عدم التعرض واثبت الرساله اللطيفه دى وطلبت شهاده السايس ورحت لامن شركتى بلغتهم بالواقعه عشان سلامتى وامانى ,خاصه ان انا الى سمعته يخلينى اتوقع اى حاجه وبلغته بالى عملته 5 ابريل , هيقول انه “عمل اجراءات رسميه ” ,,ركزوا كده

5 ابريل – بياكد تانى انه قدم فيا بلاغ ,,, وابتدى يلمح انى قفلت اكونتى القديم عشان فيه دليل ادانتى ,, يعنى اكيد بينى وبينه رسايل تمثل خطر عليه زى ماهيقول بعد كده ,,, ركزوا فى التفصيله دى ,,, الافيه جى

5 ابريل برضه — ومن غيره ما اجى جنبه ,,هيروح لوحده يقول ان آخر كلام بينى وبينه كان 14 مارس وانه كان كلام عادى ههههه هو التويته الى قبلها يديك انطباع ان اكيد باعتالى رسايل فيها حزام ناسف كل الحكايه , هو هنا عايز يقول ل دايما دموع انه مخنهاش ,,ماهو مش هيخسرنى ويخسرها برضه

طبعا ابتدى يقول انه مجرد بقلبه الحنون وصلنى لدكتور عادل امام وان مفيش بينا حاجه وفى اقوال رسميه للنيابه مره قال ميعرفنيش ومره انى حاله انسانيه ساعدها ومره انى بطارده فى عمله وانى اعرف معلومات عنه لانه بطل قومى رفض رشوه وكل الناس عارفاه ,المهم هنا ,,اختار السكرينشوت بعنايه عشان يبان الكلام عادى مش وهو عايز يعمل دكتور وبيهرج ….ياعينى مش عارف يلبى طلبات الجمهور ,يطلعنى بهدده ولا كلام عادى … ده شهاده ا هانى وفيه رقم فى الروشته عشان اى حد يتأكد واتمنى انه يكون اذكى من التعرض ل لابو القلب فى مصر والمنطقه العربيه كلها

5 -ابريل برضه يا قلب امه افتكس انه ميعرفش اسمى وانى شخصيه مش معروفه بقى لابطلع فى تليفزيون ولا جرايد ولا كل الناس عارفين اسمى الحقيقى وعشره تويتر هههه طب اسمى فى كشف د عادل من اسبوعين الى كتبته على اسم عيلتك سيبكم

رسايل تهديد لاخواته , هى فين دى ؟ عايزه اشوفها قبل مااموت

5-ابريل هو ياعينى مش عارف يلاحق , يبطح راسه عليا بصفتى ببعتله رسايل تهديد ولا يقول انى بكلمه رسمى فلا ممكن يكون راحلى البيت وخطبنى رسمى ولا يبرر بايه انه ودانى الدكتور وهو ميعرفش اسمى زى مابيقول وازاى سمانى على اسمه فى الكشف ربنا مايكتبها على رجالتنا الحوسه دى هههه

خط وكمل عليه من ابريل ..فيلم المجنونه الى قصته ان واحده على قدها بتخطف مرات الارستقراطى محمود عبد العزيز وبتعمل كل ده عشان تجبره يتجوزها انا مش مضايقنى انى اقوم بدور اسعاد يونس لكن انه شايف نفسه ارستقراطى هههه واضح طبعا اومااال

لازم اعترف انه دمه خفيف ومبدع كمان ,, يعنى الواحد بيشتبك كتير مع ناس بس عمر ماهتلاقى اشتباكهم فيه كميه الافلام والحبكات الفنيه دى انا سعيده انى بطلعه عالمسرح عشان يلاقى حد يكتشفه يسعدنى انى ابقى على قدى ده شرف بس للاسعف مهعرفش مفيش صيدلى على قده والى بينفع يتقال على الغلابه الموظفات مينفعنيش

احنا فى 5 ابريل لحد دلوقت , بيقول محضر اتعمل خلاص وتوليفه اكاذيب مختلقه وقص ولزق ,,,ورغم انى نزلت سكرينات ,,مكنش بيرد عليها تفتكروا المحضر الى اتعمل هنسميه رقم 1 ,اتعمل امتى ؟ ههههه 1 يونيه ومحتواه هو الى كتبته هنا يوم 4 ابريل يبقى يوم 3 ابريل كان بيهرج؟ بيهتنى يعنى مش اكتر

ولما عملت محضر عدم تعرض كنت صح ومش بفترى عليه

انا اتهتيت ؟ اه الحقيقه انا مكنتش عارفه ايه الى عملته غلط اصلا وعماله ابوس ايده ,افضحنى يابنى ,طب غششنى يقولى انتى عارفه عملتى ايه هههه من 5 ابريل ل 1 يونيه واستدعا النيابه كان 15 يونيه كنت نسيت الحدوته ,الى ف النص تفاصيل تعمدت اتجاهلها اوميكنليش طرف فيها لحد ما ورطونى معاهم

الى حصل بعد كده ,ان طلعتى فيه شجعت غيرى يتكلم بس للاسف مش كل الكلام بيبقى صح وانا عمرى ما بنت هتلجألى اساعدها مساعدهاش , يعنى اتقالى تشهدى معانا فى النيابه ؟ قلتلهم بس روحى وماابقاش بنت ابويا لو مجتش لحد ما كنت فى اجازتى فى الساحل فى مطلع شهر 7 وبصطاد قناديل يعنى وهايصه فسفور

لان حدوته المحضر مكنتش قلقانى ,انا مغلطتش عشان اقلق وعايزه اقولكم انه لغايه دلوقت قصاد النيابه محضر السب والقذف الى بلا سب ولا قذف ده التويتات قصادكم ,انا ممسحتهاش مفيش قانون يعاقب على ان اقول لواحد حل عن سمايا انت والزغلوله بس حد كان باصصلى فى الاجازه تقريبا لقيت مبروك ياملك

ايه يا جماعه ,حقك جالك فيديو على اليوتيوب متاح لامه لا اله الا الله مليان صور و حدوته كانت اتحكتلى وفى النص حاجات كنت اعرفها بس مستوايا ميسمحليش ارد بيها او انشرها و صوته ! ماهو انا عارفه صوته كويس وطريقته ,يالهوى وحتت فى الكلام حاسانى سمعتها منه قبل كده مفرحتش على فكره

انا بحب اجيب حقى بنفسى واصلا مش قصه , محضر فى نيابه ما انا كمان عملاله والمحامى وقتها قريبى فمش ازمه وفى الاخر ده مش جوزى يعنى وانا الناس عرفانى وصاحب العقل يميز دخلولى البنات الى ناشرين الفيديو طالبين مساعدتى ياخدو حقهم المحامى قالى اوعى تنشرى القرف ده قلتلهم القانون حلكم وادى كل معارفى فى المحافظه والنواب والصحافه ومجلس القومى للمرأه

عايزين صحافه ؟ كلمتلهم اصحابنا هنا وشوفتلهم ايه وضعهم لو قدموا محاضر … التقاضى حق وكل واحد يدافع عن نفسه ….. بتابع رد فعل الباشا , لقيتنى فى جمله مفيده بمحضرى الى فى يونيه على فيديو فيه صوته فى حاجه متتسماش يوم 2 يوليه …. طب وانا مالى يا لمبى ! وبعدين هو ده رد يا فوزيه ؟ قرديحى اوى… يعنى فين ردك على حاجه خطيره زى دى بتمس سمعتك ,ده اتهام بحاجه خطيره جدا

2

يوليو – منشورلك فيديو فيه مقاطع صوت منسوبالك ازاى يبقى الرد على ده محضر سب وقذف معمولى انا فى شهر يونيه ! اوك فهمت الاستراتيجيه .. كنت متوقعه رد واثق من نفسه ويفتح صدره ويقول انا هعرض الفيديو على خبير اصوات وانشر النتيجه علنا ,مش اسطوانه القانون واجراءاته …. اجراءاته ممكن متحبسكش وتحبس الى شهروا بيك كمان ,لكن اجراءاته مهتقنعش الى سمع صوتك فالفيديو

2

يوليو – زى ما توقعت , استراتيجيه القانون قصاد السوشيال ميديا المعتاده ,استخدمها استاذ الجامعه الى طالبه سجلتله قبل كده , متحبسش ومحاميه هددها لو ظهرت هيحبسها بتهمه التشهير ومفيش فى القانون الى يجبره يحول نفسه لخبير اصوات ,مفيش حتى لوايح للتحرش الجنسى فى الشغل ولو هتثبت لازم شهود وآخرها ايه يعنى ,عقاب ادارى فعاده بتكون البنت اتجرست واتهددت وهو الف مين هيبررله ويمكن يتهموها انها بتطاره ودور اسعاد يونس فى فيلم المجنونه ده تلبسه او تتحول لشخص بيعرقل مسيره مصر وبيهاجم الناجحين امثاله …فى كل الحالات الحدوته متخصنيش ,, انا لا نشرت فيديوهات ولا ليا علاقه وحشر رقم محضرى فى رده كان مستفز جدا رغم كده سيبته ….. انا مردتش على فقره يوليو دى خالص عكس قبل وبعد كده مادام متجرأش يقول اسمى سيبته يضبش ماهو الضرب فى الميت حرام وكلنا عندنا ولاد منتمنالهمش كده حتى لو يستاهلوا

اكتوبر 2017 ,, اشتباك تانى مع الى شهروا بيه , نزلو فيديو تانى بس الوضع اختلف…اختلف لانى بدأت اعرف حاجات اخطر وتحديدا من 16 يوليه لما استقبلت الرسايل الى فيها مكالماتى من اول يوم كلمنى فيه -حرز فى قضيه ولما اكتشفت وجود زيها لبنات وزمايل شغل

الجديد :اسمى اتذكر! وعنوان واتهامات!

اكتوبر – محضر يونيه كان فيه مذكره محامى ,مكناش فاهمنها اصلا , طبعا مش انا الى ارتكب مخالفه زى نشر ورق متداول فى النيابه , بس الى ناشره بنفسه على حسابه للحظه بتاريخ السكرنشوت ولينك التغريدات .. أثار فيه اسئله كتير :هو فين التسجيل الصوتى؟ ,ليه مش فى حافظه المحضر ؟ وليه حافظه المحضر مفيهاش رسايل محمول وزمايل عمله,اعرفهم منين!

محضر يونيه اقواله وحافظه مستنداته خلت من رساىل المحمول الى مقدمها بنفسه – وخلت من تسجيل صوت و يوم 14 يوليه وهو بيقول الكلام ده كان لسه التحقيق شغال ,شغال للنهارده هو نفسه يقولك التحقيق ادانها وشويه يقولك لما هيخلص هنشر اومال ده كان مش نشر ؟! كان سوسن ! وتحقيق ليه ما انت حكمت!

بعد التحقيق طلع كلامها كله غير صحيح vs التحقيق لما يخلص هنشره يا جماعه ,, احنا بنتكلم فى موظف تنفيذى شغلته ينفذ القانون انهار ياقلب امه بيقولى ركبتى حاجات وتسجيل صوتى , طب ما تقدمه فى حافظه مستنداتك فى المحضر يابنى ,انت جى تقدمهولنا هنا فى تويتر ! ارد على ايه طيب !!

اقسم بالله العلى العظيم لحد تاريخ 14 اكتوبر ,, تاريخ التويتات دى ما كان اتهمنى بالفيديوهات المنشوراله من يوم 2 يوليه ولا قدم الاكاونتات دى من يوليه لحد 6 نوفمبر وفوق ده … ولا للنهارده قدم التسجيل الصوتى المزعوم انى اصطنعته وبعته لزمايل شغله فى محضر شهر يونيه للآن رغم عملى محضر تانى فى شهر 6 وملحق فى 7 بعد نشر الفيديوهات ومضافهمش … السؤال ليه حاجه ملحه كده مبتقدمهاش للنيابه ولا تطلب فيها التحقيق فوق ال 4 شهور ؟ كنت مستنى ايه ؟ ممممم انا عارفه وهعرفكم هههه

اكتوبر منسيش يلقح على اكونتى القديم الى ايكش يولع يعنى …. هو باختصار ممشيها ايحاءات , انا مليش فى شغل طرقعه اللبانه و الحسنه عالخد ده بس عرفت هو والاخت دموع بيقولهم ايه على قفلى “المؤقت ” لاكاونتى القديم هتنبهروا :اخوانيه – حساب اباحى – بيوقع مؤيدى الدوله فى المحظور – اخص

تقدروا تتخيلوا وتجمعوا بيتقال عليا ايه وتضيفوا ده ان اسمى وعنوان (مش سكنى الحقيقه ) بقى مشاع تخيلتوا ؟ لسه ههههه فيه تانى … انا عندى صفحه فلوسكاب لشهود على كلام مماثل وبشكرهم لانهم ابدوا استعدادهم للشهاده رسميا معايا ,معاهم ادله ومن حسابه هو شخصيا

محضر رقم 1 لسه فى النيابه ,, الباشا مشكورا نشره بنفسه من غير مايلاحظ اختلاف مذكره المحامى عن اقواله وحافظه مستندات المحضر حتى ,,, ماعلينا من حقى اعلق لكن فى الاخر الموضوع فى القضاء لحد دلوقت محضر 2 بقى فى مباحث النت له ملحق ,مكنتش اعرف انه حاجه لحد شهر يناير 2018 لما بقى حكم 🙂

اتعمل فى نفس وقت محضر 1 بس فى مباحث النت , محتواه ؟ ولا حاجه تخصنى اكونت فيسبوك لدكتوربيرغى مع واحده عنه ونتيجه الفحص مطلعتهوش تبعى و رقم تليفون على واتساب بيكلم الباشا يقوله هناخد حق فلانه وبيكلم 2 زمايلهم فى الشغل يفكر واحد انه كان خاطب واحده قبل الى متجوزها دلوقت الباشا زعلها

السؤال وانا مالى؟ خلافات بيخلصوها سوا ول لحد يوم 6 نوفمبر ,تعطف على النيابه وعمل تظلم لانه كان اتحفظ فاشتكى فى مذكره الحفظ ومن ضمن بنود التظلم انهم حتى مستدعونيش لسؤالى وراح ضايف لينكات الفيديوهات ووصفهم حرفيا كده ” صور وعبارات “ والصوت ؟ لا بس حلوه والحركه التانيه برضه حلوه

نفس اليوم ,6 نوفمبر برضه خرج من نيابه اكتوبر اول الى مش على عنوانى اصلا , عاملى محضرين كل واحد فى قسم بس مش مشكله ,المهم ,,راح مباحث النت عالعصر كده ,راح مقدم الفيديوهات الى لسه مقدمها الصبح وعمل محضر رقم 3 بقى … القاعه فيها مثلا 4 مكاتب فى الاداره , فلو فيه مقطع صوت عايز تثبته بتقول للضابط بيحط السماعات هههه مقالوش اصلا واثبت بس انها صور وشتيمه مش كده وبس والله

ده فى اقواله قال ان الفيديوهات اختير عنوانها ليوحى باحتوائها على مقاطع خادشه للحياء وده مش صحيح 🙂 هى مكنش فيه بجد ؟ يعنى ال 267 الف مشاهد الى عاملو الفيديو ده على انه لعمرو دياب ,كان بيجيلهم هلاوس سمعيه وبصريه ؟ الفيديو الى موجود على الفيس ولينكاته حافظاها تهيؤات ؟هههه

فهمت طبعا ,دلوقت يقدر يحلف عالمصحف انه قدم الفيديوهات دى للمباحث بس مين بقى هيعرف انه تعمد اخفاء ان الفيديوهات فيها صوت ؟ الى هيعرف هو الى قرا المحاضر والى عايز يطلع عليه ,فيه صور رسميه بتطلع من النيابه متاحه وانا اتهمت فى المحضر ده فطبعا عندى ,مش كده وبس …. ده طلع انا الى رفعاها والاكاونتات الى نشرتها بتاعتى ومحضر راح محكمه واتحكم عليا بغرامه ….مفاجأه مش كده !

انا كنت قاعده فى امان الله بتفرج على نيفين ابو شاله وبتحكى عن توقعات برج القوس ل 2018 لقيت الحقى يا ملك , ده البطل عامل بيان جديد لامه تويتر وفيه اسمك وعنوانك وحكم عليكى قلت هى سنه باينه من اولها 🙂 وبعدين ايه الجديد , دى المره الكام يتشهر بيا يعنى بس حكم!وانا بغنى كوكو واوا!

وفى مشهد ميقلش ابداعا عن تابلوه (وسقطت لويز ) للمبدع الراحل يوسف شاهين قرر يفردلى ثريد يحكى فيه ازاى عبر جدار اليأس واستطاع انتزاع حقه من براثنى الآثمه انا تلك المنحطة الى مبتكسفش من روحها الكدابه الوضيعه الى فبركت وضحكت عالناس مذيل بشكر لمباحث النت والقانون تصفيق ع قده

مش عارفه حقيقه احتفاءه بجمله “ومن اول جلسه ” اتحكم عشان غيابى, انا محدش ندهنى ارد حتى الموضوع خلص وجنابه ابتدا غيره وانا بتفرج على نيفين ابو شاله جيبنا الورق لقينا ان فيه رقم تليفون فى التحقيقات بيتكتب انه متسجل باسمى ومستخدم بواسطتى المحامى قالى تعرفيه ؟قلتله اه متسجل ع موبايلى بس مش بتاعى

ده تليفون البنات الى بعتولى مكالماتى الى دلوقت حرز فى قضيه عملتها ضدهم لما منهم الى ابتدا يضرنى يعنى لو الخط ده بتاعى , بأى شكل ,, هروح مباحث النت اعمل فى نفسى محضر ؟ انا جامده بس مش اوى كده وبعدين ما ادفع الغرامه وخلاص دول ميجيبوش تمن شنطتين هاى كابى.. انا آسفه يعنى ,مبلغ اقل من الصداع ,بس انا مهدفعش حاجه وانا معملتهاش ,,, لما انول الشرف ده ,هقول وهدفع كاش

س سعيد س ,مش ساره على أبراهيم

طبعا بشكر فودافون , تعبتهم جدا معايا . الحقيقه دعمهم يشكروا عليه

طبعا الكلام ان اكاونتات من الدقى واكتوبر ,لما سالت قالولى محصلش وومفيش الكلام ده فى الفحص الفنى تاريخ فتح الواتساب قصادكم 2 يوليه ولو هيطلع هيبقى مكان واحد يتلقط فيه كنت فالساحل وربنا يوم 2 يوليه ده ومش محتاجه ابرر حتى ولا اشرح معايا افاده بنفس الرقم بنفس الوصف من نفس الجهه

ده الورقه الى كان بينشرها ويقولك اكاونتات @GhadaMarzouk75 و @Sam_Boulos_ دول طلعوا تبع ملك اقروا الفحص كده هتلاقوا اقرار الى حاصل من الاكاوننات دى زى ما انتو شايفين متقفلتش مثلا لما سالت قالولى ان لا متوصلوش الى وراهم بس هو عموما بيحشر اى حاجه ف حاجه ومطلوب منى ارد عالعك ده!

محتاجه اشكر اداره مباحث الانترنت بجد رغم انى شاكيه زمايل لهم لكن انا باخد حقى بسببهم مش عارفه اقدىر اقول اسامى ولا لا بس انا من يوم 6 يوليو 2017 وانا بتابع معاهم خطوه خطوه كل حاجه بتحصل عشان متضرش بالموريستان الى حاصل ده ولما ظهرت التحريات العجيبه دى اتقالى خدى حقك حتى لو من ناس مننا و ميهمكيش

البطل نشر على صفحته اللينك ده لجرنال https://www.alhilalalyoum.com/319112  العنوان هيحارب لآخر نفس ولن يسمح بالعبث بمقدرات الدوله …تفتح تلاقيه بيشكر الداخليه انها قبضت عليا عشان انا ببعتله رسايل تهديد وخطف من ايام ما رفض الرشوه الى كانت فى 2015 كل الكدب ده ,ساعدنى كتير

كنت هعرف دماغه واصله لحد فين من غير ماهو يتبرع يقول ؟ ربه منزل ! واتقبض عليا عشان 5 الف جنيه ! واعتبر الحكم عليا بالحبس واقع , ده بيقول انى بنتظره , وربنا لسه فى النيابه ,ده غير انه نفس الاتهام بنفس الرقم ,الى مش بتاعى اقلق ليه ؟! وكل ماحد يزعلك تطلعه يعبث فى مقدرات الدوله؟

وياترى كام حد غيرى زعله فطلعه فاسد ومزقوق من المرتشى من حقى اسأل ده كل المحاضر لاطعلى فيها انه رفض رشوة وانى بطارده رفض رشوه وبيتعرض لحمله ممنهجه الراجل مش ملاحق ياعينى انا بقيت خطر علي مصر واتعمل منى عبره واى حد عايز يقف قصاده هيبقى زى بيلعب فى مقدرات الدوله هههه

عموما انا بشكره جدا ,وفر عليا مجهود كبير للشرح وبقى كتير من الناس المعنيه فاهمه هو ايه كويس جدا من غير ما انطق حتى , بديهم اللينك واحط صوابعى فى ودانى

كان لازم اسكت عشان اعرف اخد حقى , وعشان اعتبارات شخصيه انا كنت فى حمله الانتخابات ومكنتش فاضيه للقيل والقال, وانا محسوبه على التيار ده بصوره او تانيه …كانت ماما كمان تعبانه وخارجه من عمليه صعبه ومش هينفع اقلقها عليا اكتر من قلقها اصلا من وقت القصه دى ما بدأت واخيرا خفت عليها

كلكو اكيد فاكرين التوقيت ده,, قنوات الاخوان هاجو على ماما وعليا وابتدوا يدوروا ورانا , عنوان او اهل وعيله ومفتاح الحياه اتقلب صليب وبقى فيه تهديدات بالقتل مكنش ينفع ارد على واحد لحد دلوقت حاطط عنوانها القديم فى تويته مثبته ….هو عرف يخوفنى على نفسى واهلى عشان اسكت , واتكلمت وقت ما امنت نفسى واهلى وقدرت اتكلم وضمنت عدم التلاعب تانى ,ماهو مش كل يوم هشتكيلى ضابط وصحفى وفى الآخر العمر واحد ,

والرب واحد وخيار الجبن واسكتى وهسسس بيعيينى ..يرضيكوا اعيا ؟

والدتى ,تاريخ من الوطنيه ,شافت معايا الويل ,انا بعتذرلها انى قلقتها وبشكرها لانها دعمتنى وفى الوقت الى كل الناس كانت بتقولى هسسس اسكتى كانت بتقولى ورينى بنت امثال هتعمل ايه وبجد لولا انى مش عايزه اورط حد معايا كنت شكرتكم كلكم واحد واحده بالاسم صدقتونى وقت ما الحكومه كدبتنى 🙂

الخيارات كلها قصادى ,, مووضوع قفل اكونتى ده مش اول مره يحصل ,واثبته قبل كده فى محضر رسمى عشان انا مضمنش يتسرق ويتعمل بيه مشكله والبس حاجه متخصنيش

عندى محامين مشرفين جدا واثقه انى اختهم مش بس موكلتهم ومغلطتش عشان اقلق
وامى اشهر ست فمصر لو طلعت لايف وخاطبت الريس ده برضه وارد ,هى عايزانى اطاوعها والفكره حلوه بصراحه يارب ما نلجألها ههه

تقدروا تقولولى مبروك .. بدايه حقى اهوه

فى النهايه , هاخد حقى ان شاء الله والحكم ده مجرد بدايه ومش هتنازل الا فى حاله واحده , انه يقبل عرض ىبتحمل تكلفه خبير صوتيات يقارن صوته بمحتوى الفيديوهات ,,فى وجود نواب مجلس الشعب الى يختارهم ,انا شخصيا برشح محمود بدر وابوحامد الى هوصلهم كل المعلومات الى معايا عشان يعملو اللازم

فقولولى مبروك

اشعار قانونى مهم
تغريداتى تناولت شخصيه عامه يظهر بشخصه وعمله على التلفاز والجرايد ,وافق علنا ان ينشر اموره الشخصيه على وسائل الاتصال وقام بنشر معلوماته بنفسه
وتضمنت تغريدات علنيه متاحه للجميع وتناولنى بشخصى خلالها وطلب منى الرد
و تناولت صور عامه متاحه
وكل ما اثرته مثبت بأوراق رسميه
واقبل مسح المحتوى اذا طلب منى ذلك

Thanks for joining me!

Good company in a journey makes the way seem shorter. — Izaak Walton